سنة وثانية
يومنا بقى ساعة
و الساعة بقت ثانية
وانسى حكاية الاسبوع و الشهر والسنة
تاريخ مضى كان اليوم فيه سنه
كله بركة وسعادة وهنا
تاكل وتشرب وتنام و تزورك احبابك
وتصلى وتلعب كمان
وساعة حظ..دى كانت زمان
قالوا انها ماتتعوضش
بعد ما بقت الساعة ثانية
ضاع معاها الحظ وعمره ما يجى فى ثانية
شالين ساعات فى ايدينا...زينة
ليه؟.حسرةعلى الوقت اللى ملوش قيمه
زمان كان الوقت من ذهب..لما ذهب
قلت حليتهم وقعدوا يندبوا الحظ اللى فاتهم
ياناس حرام عليكم..دى الايام هى الايام
و الشهور عند الله اثنى عشر فى كتاب الله
ارجعوا للكتاب ورب الكتاب
ترجع لكم الايام احسن مما كان
Thursday, September 14, 2006
Subscribe to:
Post Comments (Atom)
25 comments:
انا حبيت اقولك شكرا على زيارتك الجميله ليا
وبشكرك بجد
شايلين ساعات في ايدينا ..زينه
ليه؟حسره علي الوقت اللي ملوش قيمه
زمان كان الوقت من ذهب ..لما ذهب
قلت حيلتهم و قعدوا يندبوا الحظ اللي فاتهم
..................................
الله ..كلماتك جميله و معبره جدا ..ساعات زينه!!صحيح ليه لبسين ساعات في ايدينا اذا كنا لا نحترم الوقت اصلا؟
احترام الوقت!!هي كلمه غريبه فعلا كيف نحترم من لا كيان و لا وجود مادي له؟نعرف اننا مثلا نحترم نسان او حقوق حيوان او غير ذلك لكن الوقت!!غريبه
لكن هذا الاحترام لهذا الشيء (الوقت)يكمن فيه سر تقدم الامم
زمان كان الوقت من ذهب ..لما ذهب
كلمات جميله جدا ..تكرار الكلمه (ذهب )بمعنيين اعطاها حضور قوي و مؤثر جدا
كلمات معبره جدا عن مشكله الاحساس بالمرور السريع جدا للزمن و هي فعلا مشكله موجوده فلم يعد يستطيع الفرد ان يؤدي كل ما يتطلبه منه مجتمعه المعاصر
مع اجمل التحيات و امنياتي بالتوفيق
هو فين الوقت حد يقولى فين الوقت
ياريت الوقت بتاع زمان يرجع
قول للزمان ارجع يا زمان
مدونتك جميل اتمنى لك التوفيق
بص انا كنت جاي اصبخ و اتعرف و اشكرك علي زيارتك الجميل بس بجد معرفتش ارد مع اني بلسانين
هالة الموقف صورة القبور الكلام فعلا جميل
ايكش تكون فنان بجد
بس لو طلعت فنان بجد يبقي عرفت دافعت عن الراقاصة لية
عموما حرد عليك علي الموضوع دة عندي علشان مع الكلام الجميل دة و الصورة الي تخلي الواحد يفتكر اخرتة
ما ينفعش اديني في الهايف او هجايص
اشوفك بعدين
و صباحة فل ان شاء الله
شالين ساعات فى ايدينا...زينة
ليه؟.حسرةعلى الوقت اللى ملوش قيمه
----
دي جامده جدا ف القصيده يا استاذ
بس ليا عندك سوال تفتكر هو ده سبب الاكتئاب
؟؟؟؟
و لاهي صح الوقت معدش فيه بركه
و الايام بقت بتتسرسب مش عارفين ازاي
تحياتشي
بص انت اتهمتني اني معلقتش علي ردك عندي
ماشي انا جاي بس اسبت حالة اني جيت و زرت و صبحت من زمان و انت و لا واخد بالك انظر التعليق فوق و انظر التاريخ
ماشي يا عم طلعت انت الي ظالمني تيجي منك انت يا فنان
ماشي يا عم
ليت الايام تعود يوما
مساء الخير
تشدنى دائما صور قاهره المعز
لكن كلماتك شدتنى اكثر
لكن عايزا اقولك
ان الساعات عندنا بقت شبه الدقايق والثوانى
مبقاش فى ساعات الناس كلها حتى مابقت تلبس ساعات
انت ناسى الموبيل ماهو فيه ساعه وكله بيمشى اليومين دول
ولا ساعه حظ ولا ساعه لربنا ولا ساعه للناس
وعارف كمان
من ساعه لما الدهب بقى غالى مبقاش الوقت من دهب اصله غالى قوى
والناس مش ناقصه
ولا رايك ايه
تحياتى مدونه رائعه
مرورى هنا اسعدنى
اعادنى الى الزمن الجميل و صورة القاهرة الرائعة التى كانت تحتل القوب بحبها و كرمها و دفئها و نظافتها و رقيها
اعتقد ان اجمل الامنيات للمحروسة ان تعود عروس كما عهدناها و اعتاد الجميع رؤيتها هكذا
جميل جدا ان نحلم و يكون ذلك الحلم هو هدفنا جميعا
مع مراعاة فارق التوقيت و الزمن بيننا و بين من حولنا
اصبحنا بعيدين جدا و لكن يظل الامل قائم و لا يوجد مستحيل
هكذا عودنا شعبنا الطيب دائما عندما يفيق و ينتفض
اشكرك على تدويناتك الجميلة
عزيزى حسنى ...لسه الاحساس بالزمن عندنا منعدم و لما تعرف امتى بداو الناس يحسوا بالوقت ....لما يبطلوا يقولوا اشوفك بكره العصر او الظهر الخ...و يستعملوا الساعات اللى فى ايديهم زى ما قال ذو النون
مع تحياتى يا اخى الكريم
عندك حق
بس فى حد هيعمل بالكلام ده ؟؟
شايلين ساعات زينة
عجبنى الوصف ده
Very nice poetry...i´ll visite you again to read much more.
have anice day
Best regards From Spain
كل حاجة جميلة عندك بس الصورة بتاعت البروفيل بتاعك ده مش ماشية مع الكتاب المفضل عندك..ايه يا باشا الفضايح ده..و متؤلش ده فن
نحن نرى الأشياء كما نود ان نراها
مش عارف لية فاكر اغنية لمحمد منير
فى بلد البنات
كل بنات لابسين ساعات
اسمعها و قولى رايك
الزمن اللي بيتسرق منا
بساط وبيتسحب من تحت رجلينا
ولحنا حاسين بيه ولاهو حاسس بينا
معضله كبيره وحلها الرجوع الي كتاب الله وسنة رسوله والتدبر في معني الزمن ومعني وجودنا في الدنيا ، والرساله التي يحملها كل منا في عنقه ، ولا هو حاسس بيها... حل معقول
انا للأسف ابن الزمن ده وعمري ماعشت الزمن اللي بيحكوا انه كان فيه بركه
تفتكروا دي لعنه ، ولا رساله تانيه نحملها في اعناقنا
بص انا جيت اقولك حاجة بس...مفيش مانع انك تحط الصورة الل انت عاوزها على مدونتك..انما تفرضها على حد في مدونته لما تيجي تعمل تعليق, هو ده المش كويس..انا مبحبش امسح تعليق حد بس لما تيجي تعلق و تكون الصورة ده موجودة اكيد همسحها
الكلام جميل اوى وانت بجد عندك حق احنا دايما بنتحصر عالوقت اللى فات ومش بنتعلم
صدقت يا استاذ حسني
تحياتي
Great an affability to visit its page, my better greetings and good desires from CHILE, I visit it and will try to translate his blog to my Spanish language. Warm greetings beautiful
Chao bella.
الله الله الله يا أستاذنا
ياريت نقدر نرجع .. قول للزمان ارجع يا زمان
استاذنا وفنانا القدير
تدوينة جميلة تعبر عن شكل العلاقة الأن بيننا وبين الزمن
وأنت يااستاذنا العزيز بنفسك كاتب بالخط العريض في رأس مدونتك
مواطن مصري يحلم بالزمن الجميل
تحياتي
حسن أرابيسك
كل عام وأنتم بخير
رمضان كريم
تحياتي
حسنارابيسك
Post a Comment