كان ياما كان فى سالف العصر و الاوان بلد جميل اسمه مصر.قالوا عليها ام الدنيا.كانت دنيا غير الدنيا وناس غير الناس. لا الدنيا عادت دنيا و لا الناس بقوا الناس.اتغيرت الاحوال.الحب كان معشش على الكل..الانسان والحيوان والجماد.النيل يعطف على الارض والزرع و الحيوان وكله يعطف على الانسان.الانسان من حبه لنيله يهديه كله سنة هدية. عروسة بنت بكرجميلة يزينوها بأحلى و اغلى زينة.لما الحب قل بقت العروسة قش والزينة بكش وغش.النيل كريم اصيل سقى اهله من كرمه واصلته ولكن الميه جريت فى دم خسيس لا يعرف فضل ولا جميل.فضل النيل يوجود عليهم لحد ما افتكروا انه من حبه فيهم لازم يديهم..ده اكتر من كده قالوا ايه السرف ده دالبحر بيأخد اكتر ما النيل بيدينا.ايه الحل؟هو فاكر انه يقدر يمشى على كيفه لازم نوقفه عند حده علشان يعرف قدره.واحد نبيه قال نسد عليه الطريق..و بنوا سد عالى.وقالوا خلاص ما فيش ميه حتروح البحر عيزين نشوف النيل حيعمل ايه؟ النيل كريم واصيل فضل يجرى زى زمان ولحد السد و قف خيره و داهم ميه بس مش زى بتاعة زمان.مية زمان كان فيها كرم و خير و اخلاق.ورى السد وقفت مية زمان و دلهم ميه هى صحيح شكل الميه لكن مايعة لا تروى ولا تخضر.ماغشهمش..لكنه عرف قدر الئيم اذا اكرمه.ومن يومها لعادت الناس ناس..و كل شىء مات الارض والزرع والحيوان حتى الاحساس.يــــــــــــــــــــاناس
6 comments:
بلد اسمها مصر..قالوا عليها ام الدنيا
لا الدنيا عادت دنيا و لا الناس بقوا الناس
لحد ما افتكروا ان النيل من حبه فيهم لازم يديهم
..................................
اثناء قراءتي لهذا الكلام كنت بتفكر في شيء انا دائما مشغول به وهو لماذا لم تعد مصر ام الدنيا؟
لاالدنيا عادت دنيا و لا الناس بقوا الناس
هي دي حل السؤال ان الدنيا تغيرت لكن احنا لم نتغير
لا الناس عادوا كما كانوا لكننا ظللنا كما كنا لم نتغير
لهذا لم تعد مصر ام الدنيا
النيل كان اله حينما كنا نفكر في مصالحنا صح اليوم نعبد الله و لا نحافظ علي النيل شيء سخيف
كاننا نعتقد ان النيل لازم غصب عنه هيدينا
لكن !!!!!؟
السيف و غمده
بنت جالسه و ظهرها لنا و تلتفت كان شيئا اثار انتباهها الي الخلف لكن ذلك الشيء لم يكن سوي سيف بتار تحرك خلفها بصوره مباغته فمزق الهواء و احدث في جسده جرحا غائرا و ادماه و نثر الدم في كل مكان حول البنت التي كانت جالسه في هدوء
البنت جسدها جميل جدا و زاد في جماله انها تظهر منه جزء بسيط يثير الخيال لكنه لا يعطي العين كل ما تريد فترك للعقل مساحه يمكنه من خلالها ان يتم الصوره علي صورة الجمال الذي يحبه كل فرد علي حده
الدم منثور في كل مكان مذكرا بالسيف الذي شق الهواء و نزف دمه في كل مكان حتي انه غطي الافق و لم يعد هناك من مكان بلا دم
البنت لون ملابسها بلون الدم ،لون جسدها بلون الدم، حتي السيف مخضب بالدم الدم في كل ماكان
هذه الحاله الحمراء قد تكون معبره عن الحاله النفسيه التي تظلل لبنت لان فهي تعيش في ظل جرح عاطفي حول الوجود حولها الي وجود مجروح
تذكرني هذه اللوحه بقصيده لجبران تحدث فيها عن حالته في نقاهته حيث راي كل شيء في حالةاكتئاب
الافق قريح جفنه
الشمس و هي تغرب يقول فيها
تقطرت كالدمعة الحمرء
الصخره التي يجلس عليها ينتابها موج كالمرض الذي ينتاب اعضائه
صوره كئيبه اتت كابتها من نفس الشاعر لا من خارج الحياه
اللونالاحمر والاصفر بدرجاتهما فقط لكل اللوحه دل علي مهارة فنان في تشطيب عمل كامل بلون اواتنين دون ان نشعر ان هناك فقر في القيمهالفنيه للوحه
بل نشعر علي قلة الالوان فيها بانها ثريه من الناحيه اللونيه ذلك لان اللون الاحمر له حضور قوي جدا و مؤثر جدا
اهم ما يميز هذه اللوحه انها عبرت عن بعض ما يحدث في نفس الانسان من ازمات يمكن ان نحدد نوع هذه الازمات بدقه من خلال امعان النظر و الفكر في اللوحه و التي اراها تعبر عن فتاه مجروحه عاطفيا و اراها تمر بمرحلة نقاهه من هذاالجرح
عزيزى حسنى ...اول زياره ليه لمدونتك...عجبنى تعبيراتك رغم انها بالعاميه انما فيها شاعريه و رقة الاحساس...ثانيا للاسف النيل حاله يحزن حتى على المستوى البيئى و الصحه العامه للشعب المصرى ...يقال ان معظم امراض سرطان الكلى سببها تلوث النيل...مافيش وعى بيئى و لاحتى دينى للحفاظ على المياه ...ده حتى ربنا بيقول و جعلنا من الماء كل شئء حى...ربنا يستر عليه و علينا
مع تحياتى
استاذ حسنى
يا بختك انت على الاقل شفت الخير داه و عشت فيه , انما احنا!!!!!!!
كل اللى شفناه تلوث و جهل و قبح فى كل شئ و ناس بتاكل فى بعض و كل واحد بيفكر حياخد اللى مع غيره ازاى ,
تفنكر حضرتك واحد شابة لما تقرا الكلام داه يكون احساسها ايه؟؟؟
الحسد طبعا
تصدق حضرتك ان من الحاجات اللى دايما بفكر فيها باتمناها و عارفة انها مستحيله؟؟ انى اعيش فى وقت سابق للى انا فيه داه
دايما باتخيل نفسي سنه 1848 مثلا حتى مش القرن العشرين
باحسد الجماعة الكبار اللى دايما يحكوا عن زمان بحس بالخير و راحة البال فى كلامهم بحس برضه بخيبه الامل
يلا اهو زماننا و قدرنا نعيش فيه ربنا يثبتنا بس
معلش طولت عليك :)
بس السد نفع مصر فى حاجات كتير وحمى ناس كتير من الغرق والتشرد لما كان الفيضان ييجى
هو مفيش حاجة ببلاش ..... حاجة قصاد حاجة
استاذنا العزيز وفنانا القدير
الحقيقة انا معاك ان مصر زمان كانت حاجه تانية وانا من الناس المغرمة بتاريخها القديم وقريبا وليس بعيدا أذكران القاهرة اختيرت عام 1925 اجمل وأنظف عاصمة في العالم وأنا من المتيم بصورها القديمة من القرن التاسع عشر وبدايات القرن العشرين وأيضا مصر الفاطمية لذلك اهيم عشقا بلوحات المستشرقين عن مصر
فقط يمكن اختلف معاك شوية في موضوع السد لكن لااريد أن أفسد علينا تلك الصورة الجميلة عن مصر زمان
بالمناسبة تركت لي تعليق في افنان الفنون فكانت لي معها الليلة سهرة جميلة
تحياتي
حسن أرابيسك
Post a Comment